Бугун Яккабоғ ҳокими Лутфиддин Абдуллаев тумандаги «Саховат уйи"да яшовчи нуронийларнинг ҳолидан хабар олиб, "Президент совғаси"ни топширди ҳамда уларга доимо ҳурматли Юртбошимиз эътиборида эканликларини таъкидлади.
Шунингдек, туман ҳокими барчани ушбу қувончли онлар билан табриклар экан, меҳр-мурувватга, эътиборга муҳтож нуронийлар билан тез-тез учрашувлар ташкиллаштириш, улар учун маданий-маърифий тадбирлар уйиштириш ва "Президент совғаси" яни микроавтобус билан Ўзбекистон ҳудудидаги диққатга сазовор тарихий шаҳарларига саёҳатлар ташкил этилишини айтиб ўтди.
Мана бугун президентимиз ҳам вилоят, туман ҳокимларимиз ҳам бизларга эътибор бермоқдалар. Бу эътибордан биз жудаям хурсандмиз. Энди" Президент совғаси" билан зиёратгоҳларга бориб, юртимиз тинчлиги абадий бўлишини тилаб дуолар ўқиймиз дейди "Саховат уйи"да истиқомат қилувчи нуронийларимиздан бири.
Маълумот ўрнида: Яккабоғ туман "Чўмич" МФЙда жойлашган «Саховат уйи» 1985 йил ташкил топган бўлиб, унинг сиғими 160 нафар кишига мўлжалланган. Aйни дамда 120 нафар нуронийлар саховат уйида истиқомат қилмоқдалар.
