Яккабоғ ҳокими Лутфиддин Абдуллаев бошчилигидаги масъуллар "Маданият" МФЙда янгидан ўз фаолиятини бошлаган "Mail Fashion textile" қўшма корхонаси фаолияти билан танишишди.
Туркиялик инвесторлар томонидан ташкил этилган мазкур корхона текстиль маҳсулотларини тайёрлашга ихтисослашган бўлиб, биринчи босқичда тайёр кийим-кечак маҳсулотларини ишлаб чиқаради. Иккинчи босқичда эса буёқ ва тўқув лойиҳалари ҳам йўлга қўйилади.
Мазкур корхона жорий йилнинг декабрь ойигача 1,5 миллион долларлик маҳсулот ишлаб чиқариб, экспортга йўналтиришга режалаштирилган.
Корхона тўла қувватда ишга тушганида 650 та янги ишчи ўрни яратилади.
