Пахтачиликда дефолиация ўтказиш енг муҳим агротехник тадбирлардан бири ҳисобланади. Сифатли дефолиация ўтказиш ҳосилни қисқа муддатлар ичида пишиб етилиши ва тез очилишини таъминлайди. Дефолиациянинг сифати, дефолиация ўтказиш муддати ва меъёрига боғлиқ бўлади.
Яккабоғ ҳокими Лутфиддин Абдуллаев ва туман ИИБ бошлиғи Дилшод Умаровлар ғўза дефолиациясини ўтказишга жалб этиладиган техника воситаларини тайёргарлик ҳолати билан танишди.
Яккабоғ ҳокими Лутфиддин Абдуллаев ва туман ИИБ бошлиғи Дилшод Умаровлар ғўза дефолиациясини ўтказишга жалб этиладиган техника воситаларини тайёргарлик ҳолати билан танишди.
"Ғўза дефолиацияси ўз вақтида ва сифатли ўтказилса, ғўза баргларини тўлиқ тўкилишини таъминлайди, қатор оралиқларида ҳаво аэрацияси яхшиланиб, ўсимлик иссиқлиги ва нуридан самарали фойдаланади ҳамда дефолиантлар таъсирида ўсимлик танасида физиологик жараёнлари бузилиб, моддалар қайта тақсимланиши натижасида кўсаклар пишиб етилиши тезлашади" дейди туман ҳокими Лутфиддин Абдуллаев жараёнларни кузата туриб.
Шунингдек, пахта экилган майдонларда дефолиацияни тавсия этилган муддатларда сифатли амалга оширилиши, улардан самарали фойдаланиш лозимлиги юзасидан қўшимча тавсия ва топшириқлар берилиб, дефолиантларни қўллаш меъёрларига тўлиқ риоя этилиши каби тавсия ва топшириқлар ҳам бериб ўтилди.
Бугунги кунда Яккабоғда 7300 гектар майдонда пахта экилган бўлиб, 7 отрядга 24 та ОВХлар ажратилган.
