Яккабоғ туманида чигит экилган майдонларда агротехник тадбирларни сифатли ўтказиш бўйича кўргазмали-амалий семинар ташкил этилди.
«Амир Темур» ҳудуди "Отақулов Юсуфхон Тоҳирович" фермер хўжалигида ўтказилган мазкур тадбирда вилоят ҳокимининг қишлоқ ва сув хўжалиги масалалари бўйича биринчи ўринбосари Улуғбек Узақов, туман ҳокими Лутфиддин Абдуллаев бошчилигидаги барча сектор раҳбарлари, қишлоқ хўжалиги вакиллари ҳамда фермерлар иштирок этишди.
Семинарда ғўза парваришида масъулиятли давр эканлиги, агротехник тадбирларни сифатли амалга ошириш лозимлиги, яганалаш, чуқур юмшатиш, шира трипсига қарши биологик усулда курашишни кенгайтириш, майдонларни бегона ўтлардан тозалаш каби тадбирлар бажариш лозимлиги айтилди.
Шунингдек, олтин куз учириш ва ИСО қайнатмалари билан ишлаш, корбамит ёки гумматкалий орқали баргдан озиқлантириш ишларини ҳам олиб бориш ўта муҳимлиги айтиб ўтилди.
