Яккабоғда қишлоқ хўжалиги қадамма-қадам ўрганилди

Jamiyat / Пост 12-янв, 22:449 1 194

Яккабоғ ҳокими бошчилигидаги мутасаддилар қишлоқ хўжалиги соҳасида олиб борилаётган ишлар билан танишиш мақсадида 1-сектор ҳудудларида олти соатдан зиёд пиёда юриш қилдилар.

Тонги соат 7:00дан бошланган тадбирда туман ҳокими томонидан ғалла экилган майдонларни озиқлантириш, маҳаллий ўғитларни жамғариш, суғориш ишларини якунига етказиш, баҳорги экиш техникаларини таъмирлаш, агротехник воситаларидан кенг фойдаланиш, тутзор ва ғалла экилган далаларнинг қатор оралиқларини шудгорлаш, самарасиз деб топилган тут дарахтларининг ўрнига янги ниҳоллар экиш, ғалла экилган майдонларини ғўзапоя кўчатларидан тозалаш умуман олганда қишлоқ хўжалигида олиб борилаётган барча ишлар танқидий ўрганилди.

Ушбу йўналишларда аниқланган камчиликларни зудлик билан бартараф этиш кераклиги, ўз ишига масъулиятсизликча ёндашаётган масъулларга нисбатан ҳайфсан чоралари кўриш лозимлиги туман ҳокими томонидан таъкидлаб ўтилди.