Бугун эрта тонгдан Яккабоғ ҳокими Лутфиддин Абдуллаев бошчилигидаги тегишли масъуллар Ишкент маҳалласидаги 22-сонли умумий ўрта таълим мактабида ўрганиш ишлари олиб боришди.
Танқидий руҳда олиб борилган мазкур ўрганишларда туман ҳокими мактабдаги камчиликлар ўз ҳолига ташлаб қўйилганлиги сабаб, ишига масъулиятсизларча ёндашган соҳа вакиллари ва қурувчилар ишини кескин танқид қилди. Шу ернинг ўзида махсус иситиш тизимига тиқилиб қолган ортиқча чиқиндилар тозаланиб, бир қисми ишга туширилди. Душанба кунигача мактабнинг иссиқлик тизимини тўлиқ ишга тушириш бўйича топшириқлар берилди.
Қисқа фурсатларда, Мактабнинг электр энергияси бўйича ҳам барча муаммолари ҳал этилиши, ёритиш тизими эса, энергия тежовчи чироқларга алмаштирилиши лозимлиги таъкидланди.
Шунингдек, болаларнинг мактабга келиш йўллари ҳам энг қисқа муддатларда таъмирланиши бўйича топшириқлар берилди.
Ҳозирда Яккабоғ ҳокими Лутфиддин Абдуллаев томонидан тумандаги барча мактаблар назорат остига олиниб, масъулларга тегишлилиги бўйича зарурий топшириқлар берилмоқда.
Ҳозирда Яккабоғ ҳокими Лутфиддин Абдуллаев томонидан тумандаги барча мактаблар назорат остига олиниб, масъулларга тегишлилиги бўйича зарурий топшириқлар берилмоқда.
