Яккабоғ туманида Ёшлар ишлари агентлигининг маҳалладаги вакили лавозимига танланган номзодлар учун 2 кунлик ўқув-семинари бўлиб ўтди.
Тренинг маърузалари Қарши Давлат Университетининг Педагогика институти профессорлари Ж.С.Ҳалилов, А.С.Отақулов, Тошкент кимё-технология институтининг Шаҳрисабз филиали декан ўринбосарлари M.Э.Бобоев, О.Т.Саъдуллаев, Ўзбекистон Республикаси Жамоат хавфсизлиги Университети “Ижтимоий-гуманитар фанлар” кафедраси катта ўқитувчиси Капитан А.У.Ҳайдаровлар томонидан ўтказилди.
Унда "Ёшлар етакчилари касбий мулоқотини шакллантириш", "Ёшлар билан профилактик суҳбатлар ўтказиш", "Етакчиларда лидерлик маҳоратини ривожлантириш" каби мавзуларда сўз юритилди.
