Яккабоғ туманидаги "Тадбиркорлар ўқитиш марказида" 200 нафар ёшлар ўқитилиб, сертификатлар топширилди.
25-31 март кунлари бўлиб ўтган ушбу ўқувда ёшлар асосан қишлоқ хўжалиги, иссиқхона фаолияти, чорвачилик ва паррандачилик йўналишларида кунига 8 соатдан жами 48 соат ўқитилди. Бу жараён мунтазам давом этади.
"Ўқув давомида ёшларга қандай бизнес бошлаши, раҳбарлик қобилиятини шакллантириши, ходимлар билан ишлаши, бизнес фаолиятини нимадан бошлаши кераклиги юзасидан уларга кенг кўламда маълумот ва тушунчалар бердик. Албатта бу олган билим ва тавсиялари ёшларни сертификатлари билан олаётган кредитларидан самарали фойдаланишлари учун муҳим бир пойдевор бўлади" дейди Тадбиркорлар ўқитиш марказининг бизнес тренинги Муродов Акбар
