Яккабоғда яна бир хайрли ташаббусга қўл ўрилди. Туман ҳокимлиги ва Боғдорчилик ва иссиқхонани ривожлантириш агентлиги томонидан "Эсат" маҳалласида фойдаланилмай бўш турган 10 гектар ер майдонида броколли карам етиштириш йўлга қўйилди.
Яккабоғ ҳокими Лутфиддин Абдуллаев мазкур жараёнлар билан танишар экан, броколли карамнинг мазкур махсус нави иссиқда ҳам совуқда ҳам чидамли эканлиги ва туманнинг иқлим шароитига мос экинлигини айтиб, етиштирилаётган бу каби сабзавот ва полиз маҳсулотлари ички бозор тўкинлиги ва озиқ-овқат хавфсизлигини таъминлашда муҳим ўрин тутишини таъкидлади.
❗️Жорий йилда туманда 700 гектар майдонда броколли карамини етиштириш кўзда тутилган. Мутахассисларнинг айтишича бир гектардан 15-20 тонна, 700 гектар майдондан эса 1,5 млн тоннагача ҳосил олиш мумкин.
