Жорий йилнинг 13 августдан 02 сентябр кунига қадар Ўзбекистон Республикаси Молия вазирлигининг openbudget.uz расмий веб сайти орқали мавжуд маҳаллий муаммоларни бартараф этиш мақсадида туманда истиқомат қилувчилар учун аҳамиятга эга бўлган жами 57 та таклифларга овоз берилди. Ушбу таклифларни молиялаштириш учун яратилган ташаббусли бюджет жамғармасига махаллий бюджетнинг қўшимча манбалари хисобидан 1 653.0 млн сўм ажратилди.
Овоз бериш якунларига кўра энг кўп овоз тўплаган 6 та таклиф ташаббускорлари ғолиб деб топилди. Жумладан:
1-ўрин:
Совуқбулоқ МФЙ Жавоғи кўчасини асфальт қилиш бўйича киритилган таклиф (суммаси 200.0 млн сўм) -4243 та овоз тўплади;
2-ўрин:
Қўшчинор МФЙ Ғуржоб ва Танипар ички йўлларини таъмирлаш бўйича киритилган таклиф (суммаси 180.0 млн сўм) -4021 та овоз тўплади;
3-ўрин:
2-сонли болалар ва ўсмирлар спорт мактабида сунъий қопламали майдон ва воркоут майдончаси қуриш бўйича киритилган таклиф (суммаси 400.0 млн сўм) -1793 та овоз тўплади;
4-ўрин:
Қўшчинор МФЙ Танипар қишлоғида қабристон барпо этиш бўйича киритилган таклиф (суммаси 250.0 млн сўм) -1543 та овоз тўплади.
5-ўрин:
Шерози қишлоғидаги қабристонда қўшимча бино ва тахоратхона барпо этиш бўйича киритилган таклиф (суммаси 150.0 млн сўм) -1469 та овоз тўплади;
6-ўрин:
Фаровонлик МФЙ биносини қуриш бўйича киритилган таклиф (суммаси 300.0 млн сўм) -1346 та овоз тўплади;
