Яккабоғда Жанубий ғарбий махсус ҳарбий округ қўшинлари Қўмондонлиги, Давлат хавфсизлик махсус чегара қўшинлари Қўмондонлиги, Ўзбекистон Республикаси Миллий гвардияси Қашқадарё вилояти бошқармаси, Ички ишлар вазирлигига қарашли халқаро Аэропортларни қўриқлаш батальони, тоифаланган объектларни қўриқлаш Қўмондонлиги Қашқадарё вилояти бошқармаси, Ёшлар Иттифоқи ҳамда Ёшлар агентлиги иштирокида Янги Ўзбекистон - Янгича дунёқараш шиори остида ҳарбий ватанпарварлик фестивали ташкил этилди.
Ушбу фестивалда туман ҳокими Лутфиддин Абдуллаев, Жанубий-Ғарбий округ бошқарма бошлиғи Алихон Нозимов, фахрийлар кенгаши раиси Маъруф Шарипов ҳамда Ўзбекистонда Хизмат кўрсатган артист Турғун Бекназаровлар сўзга чиқиб, барча фестиваль иштирокчиларини табриклаб, омад тиладилар.
Фестиваль доирасида ҳарбий хизматчиларнинг спортнинг қўл жанги бўйича чиқишлари, фахрий қоровул, чегара қўшинларининг хизмат итлари ва Қарши шаҳар горнизони маънавият ва маърифат маркази ҳарбий оркестри чиқишлари намойиш этилган бўлса, спортнинг тош кўтариш, арқон тортиш, пневматик милтиғидан ўқ отиш, волейбол ва футбол турлари бўйича ҳам мусобақалар ташкил этилди.
