Ўзбекистон Республикаси Экология ва атроф-муҳитни муҳофаза қилиш давлат қўмитаси раиси Обломурадов Нарзулло Наимович ҳамда Яккабоғ ҳокими Лутфиддин Абдуллаев тумандаги «Нурли йўл» маҳалласида бўлиб, терак қаламчаларини экиш тадбирида иштирок этишди.
Унда нуроний отахонлар, экологлар, ёш экопатруллар суҳбатлашиб, кўчат экиш ва парваришлашдек савобли ишга ҳар бир юртдошимиз фидойилик ва масъулият билан ёндашиб, ҳисса қўшса, она диёримиз чин маънода яшил маконга айланиши таъкидланди.
Тадбир давомида Яккабоғ туманида “Яшил макон” умуммиллий лойиҳасини татбиқ этиш мақсадида самарали ишлар олиб борилаётгани, жорий йилнинг баҳор мавсумларида кўкаламзорлаштириш, мевали дарахт ва бута кўчатлари ҳамда терак қаламчаларини экиш ишлари тизимли, уюшқоқлик билан ташкил қилингани, режа-тадбирлар вақтида белгилаб олиниб, ҳозирда ҳам бу бўйича қатор амалий ишлар олиб борилаётганлиги алоҳида таъкидлаб ўтилди.
