Футбол бўйича Ўзбекистон Республикаси Давлат хавфсизлиги хизмати раиси кубогининг Яккабоғ туман босқичининг очилиш маросими кўтаринки тарзда ташкил қилинди.
Тадбирда Яккабоғ туман ҳокими Лутфиддин Абдуллаев сўзга чиқиб, мамлакатимизда жисмоний тарбия ва спортни оммалаштириш, аҳоли, айниқса, ёшлар ўртасида соғлом турмуш тарзини тарғиб қилиш, юртимизни халқаро спорт майдонларида муносиб танитиш мақсадида кенг кўламли амалий ишлар олиб борилаётганини таъкидлади ҳамда мазкур мусобақада барча жамоаларга омад зафарлар ёр бўлишини тилади.
Шундан сўнг туманимизнинг соҳир овоз соҳиблари томонидан ижро этилган қўшиқлар йиғилганларга байрам кайфиятини улашди.
«Соғлом ёшлар - янги Ўзбекистон келажаги» шиори остида ўтказилаётган мазкур мусобақалар ёшларимизнинг ўз маҳоратларини намойиш этишлари учун яна бир имконият саналади.
