Яккабоғ тумани ҳокими Лутфиддин Абдуллаев биринчи сектор ҳудудида жойлашган 8 умумий ўрта таълим мактабида ёшлар билан очиқ мулоқот ўтказди.
Учрашувда ёшлар томонидан тадбиркорлик учун ер ажратиб бериш, кредит масалалари, уй-жой, ишга жойлашиш, касб-ҳунар ўқув курсларига бориш бўйича мурожаатлар билдирилди.
Ҳар бир мурожаатнинг амалий ижроси бўйича ҳоким тегишли ташкилот раҳбарларига топшириқлар бериб, ижроси назоратга олинди.
Жойларда ўтказилаётган бундай мулоқотлар анчадан бери ечилмай келинаётган жуда кўп масалаларни ҳал этишда муҳим ўрин тутади десак муболаға бўлмайди.
