Унда вилоят ИИБ ва тумандаги 4 та сетор раҳбарлари, мутасадди идоралар ҳамда «Узун» маҳалласи бешлиги ва оқсоқоллар, фуқаролар иштирок этишди.
Тадбирда сўз олган Қашқадарё вилоят ИИБ бошлиғи полковник Шуҳратжон Сатволдиев содир этилган жиноят Оила-турмуш ва ўзаро келишмовчиликлар доирасида юзага келганини таъкидлади.
Муҳокама йиғилишида пичоқ билан оғир тан жароҳати етказилиш жиноятини юзага келишида жаҳлга эрк берилгани, бунинг ўрнига ақл билан иш тутилганида бу каби салбий ҳолат юзага келмаслиги, қолаверса, жиноятга қўл урган фуқаронинг ота-онаси, қариндошлари фарзандини назорат қилганида мудҳиш жиноятнинг олди олиниши мумкинлиги ҳам айтилди.
Шу ўринда маҳалла бешлигининг «Хонадонбай» ва «Маҳаллабай» ишларни амалга оширишда, бу каби ҳолатларни аниқлашда сусткашликка йўл қўйилгани танқид остига олинди. Ўз навбатида кўча куйда жамоат жойларида оқсоқоллар ва кенг жамоатчилик вакиллари ҳам ёшларга панд-насиҳат бериши, бу каби салбий ҳолатларни олдини олишда муҳим омил эканлиги иштирокчиларга тушунтирилди.
Жиноятнинг сабаб ва омиллари таҳлил қилинган муҳокамада маҳалла фаоллари, нуронийлар ҳамда масъулларга ҳозирги вақтда Республикамизда олиб борилаётган «Менинг маҳалламда жиноят содир бўлмаслиги керак» деган тамойилнинг мазмун моҳияти, ҳар бир фуқаро ўзи яшаб турган маҳаллада жиноят ва ҳуқуқбузарликларнинг барвақт олдини олишга масъул эканлиги, ушбу жиноят ҳам маҳаллада яшовчи фуқароларнинг эътиборсизлиги ҳамда ҳуқуқни муҳофаза қилувчи орган ходимлари ва бошқа мутасаддилар билан ҳамкорлик қилмаганликлари оқибатида содир бўлганлиги, келгусида бу каби салбий ҳолатларнинг келиб чиқишини олдини олиш мақсадида ҳушёрликни ошириш, ўзини, ўз уйини ўзи асраши кераклиги, маҳалладаги ҳар бир ҳолатга дахлдорлик хисси билан яшаш лозимлиги батафсил тушунтириб ўтилди.
